Case No.SA 4927/2020 பிரிவு 6(1)-ன் கீழ் பட்டா மாறுதலுக்காக விண்ணப்பிக்கப்பட்ட இணையவழி விண்ணப்ப எண்களின் விவரம் கோரி மனு

மேற்சொன்ன இரண்டாம் மேல் முறையீட்டு மனுவின்மீது இவ்வாணையத்தால் ஏற்கனவே 03.09.2020-ல் பிறப்பிக்கப்பட்ட ஆணையில், மனுதாரர் கோரும் தகவல்களை மனுதாரருக்கு வழங்குவதற்கு கடைசி வாய்ப்பாக 15.09.2020-க்குள் வழங்க பொதுத் தகவல் அலுவலருக்கு ஆணையிடப்பட்டிருந்தது. மனுதாரருக்கு எவ்வித தகவல்களும் வழங்கப்படவில்லை என்றாலோ, முழுமையற்ற தகவல்கள் வழங்கப்பட்டிருந்தாலோ அல்லது தவறான, குறைபாடான தகவல்கள் வழங்கப்பட்டிருந்தாலோ, அவர் ஆணையத்திற்கு 21.09.2020-க்குள் கடிதம் மூலம் தெரிவிக்கலாம் என்று தெரிவிக்கப்பட்டிருந்தது.
பொதுத் தகவல் அலுவலர், தமது வ.எண்.4(2)/2020, நாள் 25.09.2020 என்ற கடிதத்தில் மனுதாரரின் கோரிக்கைகளுக்கு அனைத்துத் தகவல்களை வழங்கியமைக்கான சான்றாக அவற்றின் நகல்களை ஆணையத்திற்கு அனுப்பியுள்ளார். மனுதாரரும் தனது கோரிக்கைகளுக்கு அனைத்து தகவல்களையும் பொதுத் தகவல் அலுவலர் வழங்கிவிட்டதாகவும், பெறப்பட்ட தகவல்களால் தான் மனநிறைவு அடைவதாகவும் தெரிவித்தார். ஆகவே இவ்வழக்கை முற்றாக்கி ஆணையிடப்படுகிறது.