Case No 28007/2009 மனுவில் தெரிவித்துள்ள உரிய புல எண்களுக்கு எஸ்.எல்.ஆர் ( SLR) வழங்கிட உத்தரவு

இது குறித்து பொதுத் தகவல் அலுவலர் அவ்வலுவலகத்தில் அது குறித்து எந்த ஆவணங்களும் இல்லாததால் தகவல் தரப்படவில்லை என்று தெரிவித்தார். பொதுத் தகவல் அலுவலரிடம் இது குறித்து விசாரிக்கப்பட்டது. பொதுத் தகவல் அலவலர் கூற்றுப்படி 1982-ம் ஆண்டு குறிப்பிட்ட நில உடமை மேம்பாட்டுத் திட்டம் நடைபெற்றதாகவும், 1984-க்குப் பிறகு சம்பந்தப்பட்ட ஆவணங்கள் உதவி இயக்குநர் (நில அளவை) அலுவலகத்திற்கு அனுப்பப்பட்டுள்ளதாகவும் தெரிவித்தார். மனுதாரர் கோரும் தகவல்கள் எஸ்.எல்.ஆர் ( SLR) பதிவேடுகளில் இருப்பதாக விசாரணையில் தெரிய வருகிறது. மனுதாரருக்கு தகவல் தரப்பட்டிருந்தும், வேறு ஒரு அலுவலகத்தில் தகவல் இருப்பதால் மனுதாரரின் மனு சம்பந்தப்பட்ட அலுவலருக்கு தகவல் தர அனுப்பப்பட்டிருக்க வேண்டும் என்று இவ்வாணையம் கருதி, விசாரணை முடிவில் கீழ்க்கண்ட ஆணை வழங்குகிறது. மனுதாரரின் மனுவில் தெரிவித்துள்ள உரிய புல எண்களுக்கு எஸ்.எல்.ஆர் ( SLR) நகல் உதவி இயக்குநர் (நில அளவை), மாவட்ட நில அளவை அலுவலகம், திருநெல்வேலி அவர்களிடமிருந்து பெற்று, இவ்வாணை கிடைக்கப்பெற்ற 10 தினங்களுக்குள் மனுதாரருக்கு அளித்து அதன் விவரத்தை இவ்வாணையத்திற்கு அனுப்புமாறு பொதுத் தகவல் அலுவலர் கேட்டுக்கொள்ளப்படுகிறார்.