Case No.29026/2009 1956-ம் பராமரிக்கப்பட்ட ' அ ' பதிவேட்டின் நகல் 1984-ம் ஆண்டு நில உடைமை மேம்பாட்டுத் திட்டத்தில் தயாரிக்கப்பட்ட எஸ்.எல்.ஆர். நகல் வழங்க உத்தரவு

மாவட்ட ஆட்சியர் அலுவலக பொதுத் தகவல் அலுவலர் கூற்றுப்படி 1956-ம் ஆண்டு பராமரிக்கப்பட்ட ‘ அ ‘ பதிவேடு, 1984-ல் தயாரிக்கப்பட்ட எஸ்.எல்.ஆர், 1984-க்கு உரிய சிட்டா மற்றும் அடங்கல் மாவட்ட ஆட்சியர் அலுவலகத்தில் இருந்திருக்க வேண்டும் என்று தெரிகிறது. குறிப்பிட்டுள்ள ஆண்டுகளுக்கு எந்தவித ஆவணங்களும் இல்லாத நிலையில் மனுதாரருக்கு விசாரணை முடிவில் கீழ்க்கண்ட ஆவணங்களின் நகல்கள் வழங்கப்பட வேண்டும் என்று முடிவு செய்து ஆணை வழங்கப்படுகிறது.
மனுதாரர்
1) மனுதாரருக்கு 1956-ம் ஆண்டில் பராமரிக்கப்பட்ட ‘ அ ‘ பதிவேட்டின் நகல் குறிப்பிட்ட புல எண்ணிற்கும், 1984-ம் ஆண்டு நில உடைமை மேம்பாட்டுத் திட்டத்தில் தயாரிக்கப்பட்ட எஸ்.எல்.ஆர். நகல் அவ்வாண்டில் அவ்வலுவலகத்தில் அடங்கல் மற்றும் சிட்டா பராமரிக்கப்பட்டிருப்பின் அதனுடைய நகல் மனுதாரருக்கு இவ்வாணை கிடைக்கப்பெற்ற ஒரு வாரத்திற்குள் இலவசமாக வழங்கி அதன் விவரத்தை இவ்வாணையத்திற்குத் தெரிவிக்குமாறு பொதுத் தகவல்
அலுவலர், மாவட்ட ஆட்சியர் அலுவலகம் கேட்டுக்கொள்ளப்படுகிறார்.
2) 1956-ம் ஆண்டுக்கு முன் ஜமீன்தாரர்களிடம் இருந்த பதிவேடுகள் எந்த அலுவலகத்தில் பராமரிக்கப்படுகிறதோ அவ்வலுவலகத்திலிருந்து மனுதாரருக்கு தகவல் வழங்கி ஒரு மாதத்திற்குள் அதன் விவரத்தை இவ்வாணையத்திற்குத் தெரிவிக்குமாறு இயக்குநர், மத்திய நில அளவை அலுவலகம், சென்னை கேட்டுக்கொள்ளப்படுகிறார்.